alt=

Эта версия сайта устарела. Перейти на новый сайт >>>

Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Объявления » «Пĕтĕм чăваш диктанчĕ» акци ирттерме диктант тексчĕсен конкурсне хутшăнма чĕнетпĕр

05 апреля 2022 г.

Чăваш чĕлхи кунне тата Чăваш Республикин мухтавлă ентешĕсен çулталăкне халалласа Чăваш Республикин вĕренÿ институчĕ, Чăваш патшалăх гуманитари ăслăлăхĕсен институчĕ, И.Я. Яковлев ячĕллĕ Чăваш патшалăх педагогика университечĕ, И.Н. Ульянов ячĕллĕ Чăваш патшалăх университечĕ, «Хыпар» хаçат, Чăваш наци радиовĕ, Чăваш наци телевиденийĕ, Тăван радио, Чăваш Республикин наци библиотеки «Пĕтĕм чăваш диктанчĕ 2022» акци ирттереççĕ. Акцин тĕп тĕллевĕ – чăваш чĕлхин пĕлтерĕшне, сумĕпе хисепне ÿстересси. Задачисем:

− тĕнчере тăван кĕтесрен, тăван ҫĕртен, тăван чĕлхерен, тăван халăхран хакли нимĕн те ҫуккине тепĕр хут аса илтересси;

− чăвашла çырма пĕлнине тĕрĕслесси;

− чăвашла пĕлекен кашни çынна хăй тĕрĕс çырма пултарнине тĕрĕслеме май туса парасси.

Чăваш Республикин вĕренÿ институчĕ «Пĕтĕм чăваш диктанчĕ» акцие ирттерме диктант тексчĕсен конкурсне ирттерет. Конкурса хутшăнакансен https://forms.yandex.ru/ ссылкăпа ака уйăхĕн 18-мĕшĕччен Чăваш Енĕн мухтавлă ентешĕсем çинчен текст ярса памалла. Текстра 130-150 сăмах пулмалла.

Конкурса хутшăннисене сертификат параççĕ, çĕнтерÿçине вара «Халăх шкулĕ» журнала çур çуллăх тÿлевсĕр çырăнтараççĕ.

Малтанхи çулсенче пулнă диктант тексчĕсене аса илтеретпĕр:

2013 çулта Ҫеҫпĕл Мишши, Нестер Янкас, Фатых Карим ячĕллĕ премисен лауреачĕ, Чăваш Республикин культурăн тава тивĕҫлĕ ĕҫченĕ, чăваш халăх поэчĕ Юрий Сементер хатĕрленĕ;

2014 çулта ЧР искусствăсен тава тивĕçлĕ ĕçченĕ, Чăваш патшалăх премийĕн лауреачĕ Марина Карягина тележурналист çырнă;

2015 çулта чăвашсен паллă прозаикĕ Леонид Маяксем çырни тăрăх («Асран кайми кун») хатĕрленĕ;

2016 çулта – чăваш халăх писателĕ Александр Артемьев çырнă «Çăкăр хакĕ» повесть сыпăкĕ тăрăх хатĕрленĕ ĕçе суйласа илнĕ;

2017 çулта тĕнчипе паллă педагог, вĕрентекен, шухăшлавçă Геннадий Никандрович Волков академик çырнă «Ăслă ача» хайлава тĕпе хурса йĕркеленĕ;

2018 çулта чăваш халăх писателĕ Александр Артемьев çырнисенчен хатĕрленĕ текст пулчĕ;

2019 çулта Чăваш Республикин Патшалăх Канашĕн «Республика» хаçачĕн корреспонденчĕ, Раççей журналисчĕсен пĕрлешĕвĕн пайташĕ, Чăваш Республикин профессионал çыравçăсен пĕрлешĕвĕн пайташĕ, Чăваш Республикин çамрăксен премийĕн лауреачĕ Владислав Николаев çыравçă, журналист, куçаруçă Тани Юн пултарулăхне халалласа çырнă текста суйласа илнĕччĕ.

2020 çулта паллă чăваш çыравçи, прозăçи, сăвăçĕ, куçаруçи, 1964 çултанпа СССР писателĕсен пĕрлешĕвĕн пайташĕ пулнă Юрий Скворцов хайланă «Уках хурăнĕ» повесть тăрăх йĕркеленĕ текст пулчĕ.

2021 çулта диктант çырмалли текста чăваш халăх çыравçи Юхма Мишши çырнă «Ылтăн кĕнеке» хайлава тĕпе хурса йĕркеленĕ.

Мой МирВКонтактеОдноклассники

 

 скрипт счетчика посещений       

 

 

Система управления контентом
428001, г. Чебоксары, пр. М.Горького, 5. Режим работы: пн-пт 8.00-17.00
Телефон: (8352) 58-45-22
Факс: (8352) 58-45-22
TopList Сводная статистика портала Яндекс.Метрика