17:28 12 декабря 2019 г.
Çитес ҫул шкултан вӗренсе тухакансен (11-мĕш класра вĕренекенсен) чăваш чĕлхипе 2020 çулта тытмалли республикӑн пӗрлехи экзаменӗн тĕслĕх вариантне, тӗрӗслевпе хаклав материалӗсен спецификацийӗпе кодификаторне, паронимсен словарьне Вĕренӱ институчĕн сайтĕнче «Республикăн пĕрлехи экзаменĕ» («Единый республиканский экзамен») баннерта вырнаçтарнă:
Республикӑн пӗрлехи экзаменне ирттермелли тӗрӗслевпе хаклав материалӗсен тĕп тĕллевĕ – 11 класс пĕтерекен ачан чӑваш чӗлхипе пухнӑ пĕлĕвне пĕтĕмĕшле аттестаци картинче хакласси.
Тӗслӗх варианта 11-мĕш класс пӗтерекенсене пулас экзамен тытӑмӗпе тата йӗркипе паллаштарма хатӗрленӗ: экзамен ĕçĕн тытăмне ăнлантарнă, ӗҫсен формипе шутне кăтартнă, экзамен ĕçĕсене хакламалли критерисене палăртнă. Пĕлÿ содержанийĕн элеменчĕсене ҫавӑн пекех кодификаторта ҫырса панӑ.
Экзамен 2 пайран тăрать.
1-мĕш пайра – темиçе хуравран пĕрне суйласа илмелли 26 ĕç тумалла.
Экзамен ĕçĕн 2-мĕш пайĕнче – сочинени хайламалла.
Усă курăр, ачасене экзамена хатĕрленме пулăшăр.
БУ ЧР ДПО "Чувашский республиканский институт образования" Минобразования Чувашии