12:05 17 декабря 2021 г.
2021 çулхи раштав уйăхĕн 16-мĕшĕнче Чăваш Республикин вĕренÿ институчĕ «Республикăн пĕрлехи экзаменне 2021 çулта тытма хатĕрленесси» семинар ирттерчĕ.
Чăваш чĕлхипе литературине вĕрентекенсем Анна Егорова доцент ертсе пынипе республикăн пĕрлехи экзаменĕн тытăмĕпе тата тĕллевĕпе, текст тишкермелли меслетлĕхпе паллашрĕç, тест ыйтăвĕсене хуравлама вĕрентес ĕçе йĕркелемелли тухăçлă формăсене алла илчĕç, изложенипе сочинени çырма вĕрентмелли хăнăхăва аталантарса çирĕплетрĕç, шкул ачисен экзамента пулакан паллăрах йăнăшĕсене тишкерчĕç.
ZOOM хушăм урлă ирттернĕ семинар пуриншĕн те усăллă пулчĕ.
БУ ЧР ДПО "Чувашский республиканский институт образования" Минобразования Чувашии