00:00 07 апреля 2009 г.
Кăçалхи ака уйăхĕн 4-мĕшĕнче Шупашкарта Чăваш Республикин шкулĕсенче вĕренекенсен «Туслăх хĕлхемĕ» фестивалĕ иртрĕ. Чăваш Республикин вĕренÿ институчĕн чăваш чĕлхипе литератури кафедри «Çăлтăрчăк» тата «Чăваш çăлтăрĕ» номинацисемшĕн яваплă пулчĕ.
Жюри членĕсем асăрханă тăрăх, ачасен пĕлÿ шайĕ, ăсталăхĕ, пултарулăхĕ тата хăюлăхĕ ÿссе пырать. «Чăваш çăлтăрĕ» презентацире пуплев, грамматика, орфографипе пунктуаци йăнăшĕсем пĕлтĕрхинчен чылай сахал тĕл пулчĕç.
«Çăлтăрчăк» номинацин жюри членĕсем «Илемлĕх тĕнчи» станцире пултарулăх, илемлĕх çителĕксĕррине палăртрĕç. Чылайăшĕн шухăшĕпе, çитес çул фестивалĕн номинацийĕсем пирки шухăшласа пăхмалла. Тĕслĕхрен, «Савнă çĕр – чăваш çĕр-шывĕ» станцие «Асамат» номинацире ирттермелле. «Халăх сăмахлăхĕ» станцин ыйтăвĕсене тимлĕрех пăхса тухмалла.
Çĕнтерÿçĕсене саламлатпăр. Фестивале хутшăннă ачасене пурне те çирĕп сывлăх, вĕренÿре ăнăçу сунатпăр!
Юлашкинчен фестивалĕн рейтинг списокĕпе, çĕнтерÿçĕсемпе паллаштаратпăр.