13 ноября 2015 г.
Чăваш Республикин вĕренÿ тата çамрăксен политикин министерстви тата Чăваш республикин вĕренÿ институчĕ 2015 çулхи чÿк уйăхĕн 19-мĕшĕнче чăваш чĕлхипе, литературипе тата культурипе "Пĕтĕм чăваш ачисен интернет олимпиади" ирттереççĕ.
Олимпиадăна Чăваш Республикинче тата республика тулашĕнче 7-9 класра вĕренекенсем хутшăнаççĕ.
Олимпиада 2015 çулхи чÿк уйăхĕн 19-мĕшĕнче 13.30 сехетрен пуçласа 16.30 сехетчен пырать.
Ыйтусене хуравлама 45 минут панă.
Олимпиадăна хутшăнас текенсен 2015 çулхи чÿк уйăхĕн 18-мĕшĕччен http://sdo.edu.cap.ru адреспа кĕрсе «Пĕтĕм чăваш ачисен интренет олимпиади» пайра регистрациленмелле (создать учетную запись), Олимпиада пайне кĕрсе пĕтĕмĕшле информаципе паллашмалла.
Регистраци тăвас умĕн чăваш шрифтне хăвăр компьютера кĕртĕр, унпа усă курса олимпиада ыйтăвĕсене хуравлăр. Электрон почти урлă хуравсене йышăнмаççĕ, пăхса та тухмаççĕ.
Асăрхаттару!
Ыйтусене хуравлама пуçличчен регистраци карточкине тултарăр! Ку ĕçе тума "Добавить запись" сăмахсем çине пусмалла.
(республика тулашĕнче вĕренекенсем регистрациленнĕ чухне район ятне шкул ячĕ умĕн çыраççĕ.)