13 февраля 2020 г.
Чăваш Республикин вĕренÿ институчĕ 2020 çулхи пуш уйăхĕн 12-мĕшĕнче «Тăван чĕлхе вăрттăнлăхĕсем» интернет конкурс ирттерет.
Интернет конкурса Чăваш Республикинче тата республика тулашĕнче чăваш чĕлхипе литератури вĕрентекен учительсем хутшăнаççĕ.
Интернет конкурса хутшăнас текенсен 2020 çулхи пуш уйăхĕн 12-мĕшĕнче 13 сехет те 30 минутра https://forms.gle/J4tYChxtaFQLv8p46 адреспа кĕрсе регистрациленмелле те тÿрех конкурс ыйтăвĕсене хуравлама тытăнмалла.
Ыйтусене хуравлама 60 минут уйăрнă. Конкурс ыйтăвĕсене чăваш шрифчĕпе усă курса хуравлăр. Район (хула), шкул ячĕсене тĕслĕхре кăтартнă пек çырăр.
Интернет конкурс укçалла иртет. Конкурса хутшăнас текенсен Раççей Сбербанкĕн кирек хăш уйрăмĕнче 300 тенкĕ тÿлемелле пулать. Тÿлени çинчен квитанци копине пуш уйăхĕн 11-мĕшĕччен chrio11@cap.ru адреспа ярса памалла. Тÿлеменнисен ĕçĕсене пăхса тухмаççĕ.
Пурне те интернет конкурса хутшăнма йыхравлатпăр!