16 ноября 2020 г.
2020 çулхи чÿк уйăхĕн 16--30-мĕшĕсенче Чăваш Республикин вĕренÿ институтĕнче «Чăваш ачи чăвашах» республика шайĕнчи 4-мĕш фестиваль иртет>>>
Фестивале пуçараканĕ тата йĕркелекенĕ –Чăваш Республикин вĕренÿ институчĕ тата Чăваш Республикин Муркаш районĕнчи «А.Г. Николаев ячĕллĕ Калайкассинчи пĕтĕмĕшле пĕлÿ паракан вăтам шкул» пĕтĕмĕшле пĕлĕ паракан муниципалитет бюджет учрежденийĕ.
Фестивале икĕ енпе хутшăнма пулать: «Вĕрентетпĕр чăвашла» (чăваш чĕлхи предметне вĕрентмен учительсем хутшăнаççĕ, чăвашла уроксем кăтартаççĕ); «Савăнатăп эп чăваш пулнишĕн» (шкул çулне çитмен ачасем тата кĕçĕн классенче вĕренекен ачасем чăваш халăхĕн пĕр-пĕр йăлине кăтартса параççĕ).
Фестивале хутшăнма кăмăл пуррине чÿк уйăхĕн 30-мĕшĕччен chavashachi@mail.ru электрон адреспа çыру ярса пĕлтермелле.
Вĕренекенсене те, вĕрентекенсене те фестивале хутшăнма йыхравлатпăр.