09 сентября 2021 г.
2021 çулхи юпа уйăхĕн 21-мĕшĕнче çĕнĕ чăваш çырулăхне туса хунăранпа 150 çул çитнине халалланă «Чăваш ачи чăвашах» республика шайĕнчи 5-мĕш фестиваль иртет. Фестиваль Калайкасси шкулĕнче иртет, 9:00 сехетре пуçланать. Адресĕ: Муркаш районĕ, Калайкасси ялĕ, Çамрăксен урамĕ, 3-мĕш çурт (Моргаушский район, д. Калайкасы, ул. Молодежная, д.3)
Фестивале пуçараканĕ тата йĕркелекенĕ –Чăваш Республикин вĕренÿ институчĕ тата Муркаш районĕн Калайкасси вăтам шкулĕ.
Фестивале виçĕ енпе хутшăнма пулать: «Вĕрентетпĕр чăвашла» (чăваш чĕлхи предметне вĕрентмен учительсем хутшăнаççĕ, чăвашла уроксем кăтартаççĕ); «Савăнатăп эп чăваш пулнишĕн» (шкул çулне çитмен ачасем тата кĕçĕн классенче вĕренекен ачасем чăваш халăхĕн пĕр-пĕр йăлине кăтартса параççĕ) тата «Сар каччăпа сарă хĕр» (7-9 классенче вĕренекен ачасем чăваш халăх историне, культурине, чĕлхине, йăли-йĕркине пĕлнине ăс-тăн вăййинче кăтартаççĕ).
Фестивале хутшăнма кăмăл пуррине юпа уйăхĕн 15-мĕшĕччен kalai_sh@mail.ru электрон адреспа çыру ярса пĕлтермелле. Çĕр-шыври лару-тăрăва пула фестиваль йĕрки кăшт улшăнма пултарать. Улшăнусем çинчен Калайкасси шкул сайтĕнче пĕлме пулать http://www.kalai-morgau.edu21.cap.ru.
Вĕренекенсене те, вĕрентекенсене те фестивале хутшăнма йыхравлатпăр.