06 октября 2021 г.
2021 çулхи юпа уйăхĕн 21-мĕшĕнче çĕнĕ чăваш çырулăхне туса хунăранпа 150 çул çитнине халалласа ирттерме палăртнă «Чăваш ачи чăвашах» республика шайĕнчи 5-мĕш фестиваль инçет мелпе иртет.
Фестивале икĕ енпе хутшăнма пулать:
«Вĕрентетпĕр чăвашла» (чăваш чĕлхи предметне вĕрентмен учительсем хутшăнаççĕ, чăвашла уроксем кăтартаççĕ);
«Савăнатăп эп чăваш пулнишĕн» (шкул çулне çитмен ачасем тата пĕтĕмĕшлĕ пĕлÿ паракан шкулта вĕренекен ачасем чăваш халăхĕн пĕр-пĕр йăлине кăтартса параççĕ).
Фестивале хутшăнакансен юпа уйăхĕн 21-мĕшĕччен chavashachi_21@mail.ru электрон адреспа фестивале хутшăнассине пĕлтерни çинчен заявка тата чăваш йăли-йĕркине вĕрентекен урокне ÿкерсе илнĕ 10-15 минутлăх видеоролик ярса памалла.
Вĕренекенсене те, вĕрентекенсене те фестивале хутшăнма йыхравлатпăр.