26 мая 2022 г.
Чăваш Республикин вĕренÿ тата çамрăксен политикин министерстви 2022 çулхи çу уйăхĕн 25-мĕшĕнчен пуçласа авăн уйăхĕн 30-мĕшĕччен «Килсе курăр хăнана, хапăл тăвăр йыхрава!» видеороликсен конкурсне ирттерет.
Конкурс тĕллевĕ – пĕтĕмĕшле пĕлÿ паракан организацийĕсенче вĕренекен ачасене тăван тавралăха юратма, тăван ен историне, культурине, чăваш чĕлхине лайăхрах пĕлме пулăшасси.
Конкурса 7-8-мĕш классенче вĕренекен ачасем хутшăнаççĕ.
Конкурсăн пĕрремĕш тапхăрĕ 2022 çулхи авăн уйăхĕн 21-мĕшĕччен иртет. Хутшăнма кăмăл тунă ачасене тата вĕсене ертсе пыракан учительсене конкурс ĕçĕсене çуллахи каникул вăхăтĕнче е авăн уйăхĕн пĕрремĕш эрнинче хатĕрлеме сĕнетпĕр.
Тимлĕ пулăр, конкурсăн пĕрремĕш тапхăрне хутшăнакансен заявкисене шкул ертÿçи алă пусса çирĕплетмелле, видеороликсемпе пĕрле район е хула администрацийĕн вĕренÿ пайне авăн уйăхĕн 15-мĕшĕччен ярса памалла.
Тулли информаципе Чăваш Республикин вĕренÿ институчĕн сайтĕнче паллашма пулать.
Ыйтса пĕлмелли мелсем:
E-mail: chrio18@rchuv.ru ; chrio6@cap.ru
Телефон: 8(8352)45-99-96.