00:00 03 марта 2011 г.
Пуш (март) уйăхĕн 2-3-мĕшĕсенче «9-мĕш класра чăваш чĕлхипе патшалăх аттестацийĕ ирттересси» темăпа семинар иртрĕ.
Семинара республика тулашĕнче чăваш чĕлхипе литератури вĕрентекен 13 учитель хутшăнчĕ.
Малтанхи кун чăваш чĕлхипе литератури кафедрин пуçлăхĕ Ю.М.Виноградов доцент 9-мĕш класра ирттерекен экзамен тĕллевĕсемпе, тĕрĕслев-хаклав материалĕн тытăмĕпе тата содержанийĕпе, ачасен ĕçне хакламалли критерисемпе паллаштарчĕ. Иккĕмĕш кун занятисем Муркаш районĕн Калайкасси вăтам шкулĕнче иртрĕç. Республика тулашĕнчен килнĕ хăнасем аслă категориллĕ учительсем Т.М.Майорова (Шомик шкулĕ), О.А.Вишнева (Шатракасси шкулĕ), А.М.Степанов (Калайкасси шкулĕ) ирттернĕ уроксене курчĕç, çак учительсен ăслăлăхпа методикири çитĕнĕвĕсемпе паллашрĕç.
Çапла вара, 9-мĕш класра ачасене чăваш чĕлхипе экзамена мĕнле хатĕрлемеллине Чăваш Республикинче кăна мар, ун тулашĕнче те пĕлеççĕ: учительсене экзаменăн тĕллевĕсемпе задачисем, тĕрĕслев-хаклав материалĕн тытăмĕпе содержанийĕ паллă, экзамен ирттермелли пĕлÿпе хăнăху пур.