00:00 24 октября 2011 г.
2011çулхи юпа уйăхĕн 24-мĕшĕнче Вĕренÿ институчĕн чăваш чĕлхипе литератури кафедри ĕçченĕсем чăваш чĕлхипе тата литературипе çыхăннă ыйтусемпе онлайн-консультаци ирттерчĕç. Онлайн-консультацие Канаш, Элĕк, Етĕрне, Куславкка, Сĕнтĕрвăрри, Вăрнар районĕсемпе Шупашкарпа Çĕнĕ Шупашкар хулисем хутшăнчĕç. Пĕтĕмпе 25 точка ĕçлерĕ.
Пирĕн учительсене çак ыйтусем кăсăклантарчĕç:
- вырăс шкулĕсене чăваш чĕлхи учебниксемпе çырлахтарасси;
- чăваш шкулĕсем валли чăваш чĕлхи учебникĕсем кăларасси;
- чăваш шкулĕсен литература программине çĕнетсе кăларасси;
- чăваш шкулĕн 9-мĕш класĕнче ППА ирттересси;
- вырăс шкулĕн 9-мĕш класĕнче чăваш чĕлхипе экзамен тыттарасси;
- вырăс шкулĕсем валли хаклав виçисем хатĕрлесси;
- олимпиадăсемпе конкурссем ирттересси, олимпиадăна ыйтусем хатĕрлесси;
- чăваш чĕлхине вĕренме хавахалантарасси т.ыт.те.
Чылай ыйту кафедра ĕçĕ-хĕлĕпе çыхăннă. Ытти ыйтусене Вĕренÿ минимтерствине тата ытти тивĕçлĕ вырăна çитерме калаçса татăлтăмăр. Хуравсене тепĕр тĕл пулура пĕлтеретпĕр. Консультацисем, план тăрăх, кашни уйăхра 3-мĕш кĕçнерни кун пулмалла.