00:00 03 ноября 2011 г.
Чăваш Республикин вĕренÿ институчĕн чăваш чĕлхипе литератури кафедри, Чăваш наци конгресĕ тата чăваш чĕлхипе литература учителĕсен ассоциацийĕ ик чĕлхелĕхе тата тĕрлĕ халăх культури хушшинчи çыхăнăва аталантарса творчествăллă ĕçлекен учительсене тупса палăртас тата тăван чĕлхе учителĕн профессине халăхра тивĕçлĕ хак пама пулăшас тĕллевпе чăваш чĕлхине вĕрентекенсен республика шайĕнчи «Эпир пулнă, пур, пулатпăр!» конкурсне ирттерет. Конкурс икĕ тапхăрпа (район тата республика шайĕнче) иртет. I тапхăр районсенче 2012 çулхи кăрлач уйăхĕн 9-31-мĕшĕсенче, II тапхăр вĕренÿ институчĕнче нарăсăн 21-22-мĕшĕсенче иртет. Пурне те конкурса хутшăнма чĕнетпĕр.
Конкурс положенине кафедра сайтĕнче тупма пулать.