15:10 25 апреля 2014 г.
Чăваш чĕлхи кунĕнче Чăваш Республикин вĕренÿ институтĕнче «Пĕтĕм чăваш диктанчĕ» акци иртрĕ.
Акцие Шупашкар хулин шкулĕсенче ĕçлекенсемпе шкул ачисем, студентсем, культура ĕçченĕсем т.ыт. – пĕтĕмпе 150 çын хутшăнчĕ. Диктанта институтран Е.В. Казакова ректорпа пĕрле тата 11 ĕçтеш çырчĕ.
Диктант текстне Марина Карягина писатель çырнă.
Вуласса текста «Халăх шкулĕн» тĕп редакторĕ А.В. Волкова доцент тата Чăваш Республикин чăваш чĕлхипе литературине вĕрентекенĕсен ертÿçи Г.Л. Никифоров вуларĕç.
Кăçалхи диктант хăйĕн пуçламăшĕпе палăрса тăчĕ. Пухăннă халăха институт ректорĕ Е.В. Казакова Чăваш чĕлхи кунĕ ячĕпе саламларĕ. Диктант умĕн пурте чăваш халăх гимне «Асран кайми аки-сухи» юрра юрларĕç.
БУ ЧР ДПО "Чувашский республиканский институт образования" Минобразования Чувашии