13:04 16 мая 2014 г.
2014 çулхи ака уйăхĕн 1-мĕшĕнчен пуçласа çу уйăхĕн 16-мĕшĕччен чăваш чĕлхипе литератури кабинечĕсен республика конкурсĕ иртрĕ.
Республика конкурсĕн юлашки тапхăрне хутшăнма Шупашкар хулинчен 3 кабинет, Çĕнĕ Шупашкартан, Йĕпреç, Канаш, Муркаш, Çĕрпÿ, Çĕмĕрле, Елчĕк, Тăвай районĕсенчен 1-ер кабинет тивĕçрĕ.
Документсене тишкернĕ хыççăн жюри членĕсем кабинетсен рейтингне турĕç, чи пысăк балл пухнă кабинетсемпе вырăна çитсе паллашрĕç.
Чăваш чĕлхипе литератури кабинечĕсен конкурсне жюри çу уйăхĕн 16-мĕшĕнче пĕтĕмлетрĕ.
Чи пысăк балл пухса 1-мĕш вырăна Елчĕк районĕн Çирĕклĕ Шăхаль вăтам шкулĕн чăваш чĕлхипе литератури кабинечĕ йышăнчĕ (ертÿçи Н.А. Левая). 2-мĕш вырăна Муркаш районĕн Çатракасси вăтам шкулĕн кабинечĕпе (ертÿçи Л.В. Никитина) Çĕнĕ Шупашкар хулин 19-мĕш шкулăн кабинечĕ (ертÿçи С.А. Алексеева) тухрĕç. 3-мĕш вырăна йышăнма Канаш районĕн Сухайкасси вăтам шкулĕпе (ертÿçи В.М. Иванова) Шупашкар хулин 29-мĕш шкулĕн кабинечĕсем (ертÿçи В.А. Фомина) тивĕçлĕ пулчĕç.
Çĕнтерÿçĕсене саламлатпăр. Ĕçре тата пысăк çитĕнÿ тума ырлăх-сывлăх сунатпăр.
Конкурса хутшăннă мĕн пур вĕрентекене, ертÿçе - тайма пуç!
Жюри.
БУ ЧР ДПО "Чувашский республиканский институт образования" Минобразования Чувашии