16:17 10 февраля 2016 г.
2016 çулхи нарăс уйăхĕн 10-мĕшĕнче Чăваш Республикин вĕренÿ институтĕнче регионсен хушшинче чăваш чĕлхипе литература олимпиади иртрĕ.
Олимпиадăн тĕллевĕсем – 9-11-мĕш классенче вĕренекен пултаруллă ачасене тупса палăртасси, чăваш чĕлхипе литературине лайăхрах вĕренме хавхалантарасси.
Республика тапхăрне район тата хула шайĕнче çĕнтернĕ 150 вĕренекен хутшăнчĕ. Кăçалхи олимпиадăна Пушкăрт Республикинчен - виçĕ, Тутар Республикинчен – сакăр, Чĕмпĕр облаçĕнчен виçĕ вĕренекен килчĕç.
Чăваш тата вырăс шкулĕнче вĕренекенсем хăйсен пĕлĕвне, тавракурăмне олимпиадăн кăткăс ыйтăвĕсене хуравласа тĕрĕслерĕç. Ятарлă жюри ачасен ĕçĕсене тимлĕн тĕрĕслерĕ, тивĕçлĕ хак пачĕ.
БУ ЧР ДПО "Чувашский республиканский институт образования" Минобразования Чувашии