11:35 11 октября 2016 г.
Чăваш Республикин вĕренÿ институчĕн ăслăлăх залĕнче «Чăвашлăха аталантаракан чи лайăх шкул» республика конкурсĕн йĕркелÿ комитечĕн черетлĕ ларăвĕ иртрĕ.
Ларăва Чăваш Республикин вĕренÿ институчĕн ректорĕ С.М. Савин уçрĕ. Конкурс Чăваш Республикин вĕренÿ системишĕн пĕлтерĕшлĕ, тăван чĕлхене, халăх йăли-йĕркине, историпе культурине вĕрентессинче шкул тÿпи пысăк пулнине палăртрĕ. Чăваш наци конгресĕпе ĕçлĕ килĕшÿ тума сĕнчĕ.
Чăваш наци конгресĕн пĕрремĕш вице-президенчĕ В.Л. Клементьев çак общество организацийĕн ĕçĕ-хĕлĕпе паллаштарчĕ. «Чăвашлăха аталантаракан чи лайăх шкул» конкурсăн республика тапхăрне тăратнă ĕçсене тимлĕн пăхма ыйтрĕ. Конкурса малашне ытти регионсене те явăçтармаллине пĕлтерчĕ.
Ларăва пухăннисем конкурсăн пĕтĕмлетĕвне хăçан, ăçта тата мĕнле ирттерессине, ĕçсене хакламалли критерисене тĕплĕн сÿтсе яврĕç те усă курма сĕнчĕç.
БУ ЧР ДПО "Чувашский республиканский институт образования" Минобразования Чувашии