15:38 24 апреля 2017 г.
Чăваш Енре Аннепе Атте çулталăкне тата Чăваш чĕлхи кунне халалласа «Пĕтĕм чăваш диктанчĕ – 2017» акци иртрĕ.
Чăвашла çырма пĕлнине тĕрĕслеме чăвашлăхшăн çунакан тĕрлĕ çын – учительсем, шкул ачисем, пенсионерсем, институт ĕçтешĕсем (пурĕ 83 çын) – Чăваш Республикин вĕренÿ институтĕнчĕн акт залĕнче те пухăнчĕç.
Чăваш диктантне çыракансене институт ректорĕ Сергей Михайлович Савин саламларĕ. Вăл диктант хамăр чĕлхемĕрĕн пуласлăхĕшĕн пысăк пĕлтерĕшлĕ иккенне палăртрĕ.
Диктант текстне Шупашкар хулин 62-мĕш вăтам шкулĕн чăваш чĕлхипе литератури аслă категориллĕ учителĕ, ăста поэтесса Людмила Петровна Николаева вуларĕ.
Диктантсене Чăваш Республикин вĕренÿ институчĕн преподавателĕсем тĕрĕслеççĕ.
БУ ЧР ДПО "Чувашский республиканский институт образования" Минобразования Чувашии