11:54 20 ноября 2017 г.
Юпа уйӑхӗн 16-мӗшӗнче Самар тӑрӑхӗнче чӑваш чӗлхине юратакансем Шунтал районӗнче пуҫтарӑнчӗҫ. Кунта чӑвашсен паллӑ поэтне Çеҫпӗл Мишшине халалласа чӑваш чӗлхипе тата литературипе, историйӗпе тата наци культурипе область олимпиади иртрӗ. Уява пуҫтарӑннисене саламлама Чӑваш Республикин вӗренӳ институтӗнче ӗҫлекенсем – наци вӗренӗвӗн пай пуҫлӑхӗ И. Ядранская, шкулчченхи вӗренӗвӗн кафедра доценчӗ Н. Доброва хутшӑнчӗҫ. Вӗсем пултаруллӑ вӗрентекенсене саламларӗҫ, ачасене ӑнӑҫу сунчӗҫ.
Олимпиадӑра 14 шкулӑн 200-е яхӑн ача тупӑшса хӑйсен пултарулӑхне кӑтартрӗ. Вӗренекенсем ӗҫленӗ вӑхӑтра вӗренӳ институчӗн ӗҫченӗсем Самар тӑрӑхӗнче ӗҫлекен чӑваш чӗлхи учителӗсемпе, воспитательсемпе тӗл пулчӗҫ, вӗрентӳ ҫӗнӗлӗхӗсемпе паллаштарчӗҫ.
БУ ЧР ДПО "Чувашский республиканский институт образования" Минобразования Чувашии