08:08 19 февраля 2019 г.
2019 çулхи нарăс уйăхĕн 16-мĕшĕнче Чăваш наци вулавăшĕнче Чăваш çамрăкĕсен форумĕ иртрĕ. Регионсен шайĕнчи мероприятие «Хавал» пуçару ушкăнĕ, ЧР Вĕрентÿпе çамрăксен политикин министерстви, «Хыпар» издательство çурчĕн «Çамрăксен хаçачĕн» редакцийĕ йĕркеленĕ. Форума пĕтĕм тĕнчери Тăван чĕлхе кунне халалланă.
Унта хутшăнакансем чăваш тĕнчинче палăрнă çамрăк экспертсемпе тĕл пулчĕç, халăх эткерлĕхне упраса аталантарассипе çыхăннă ыйтусене сÿтсе яврĕç. Пĕтĕмпе 25 çаврăм ĕçлерĕ. Наци вĕренĕвĕн центрĕн ăслăлăх ĕçтешĕ Артем Федоринчик «Чĕлхесен тĕрлĕлĕхĕн пĕлтерĕшĕ» темăпа калаçу ирттерчĕ.
Форума хутшăннисем чĕлхе социумра тивĕçлĕ аталантăр тесен унăн никĕсĕнче виçĕ ен пулмаллине палăртрĕç:
– чĕлхене вĕрентесси;
– чĕлхепе усă курасси;
– чĕлхе пĕлтерĕшне ÿстересси.
БУ ЧР ДПО "Чувашский республиканский институт образования" Минобразования Чувашии