16:20 04 марта 2019 г.
2019 çулхи нарăс уйăхĕн 28-мĕшĕнче Чăваш Республикин вĕренÿ институтĕнче чăваш чĕлхипе литератури кафедри ертсе пынипе «Тăван чĕлхепе литература вăрттăнлăхĕсем» интернет конкурс иртрĕ. «Ӑс-хакăл вăййине» хамăр республикăра чăваш чĕлхипе литератури вĕрентекенсем кăна мар, тулай чăваш шкулĕнче ĕçлекенсем те хутшăнчĕç.
Учительсем тăван чĕлхепе тата литературăпа çыхăннă 20 ыйтăва хуравларĕç. Ӑмăрту хĕрÿ иртрĕ: пурте тĕрĕс хуравланă ыйтусем пулмарĕç.
Конкурса хутшăннине çирĕплетекен сертификатсене, çĕнтерÿçĕсен дипломĕсене пушăн 20-мĕшĕ хыççăн 204-мĕш пÿлĕме пырса илмелле.
Ҫĕнтерÿçĕсене чĕререн саламлатпăр, малалла та пирĕн конкурссене хастар хутшăнасса шанатпăр.
БУ ЧР ДПО "Чувашский республиканский институт образования" Минобразования Чувашии