16:34 31 января 2020 г.
2020 çулхи кăрлачăн 30-мĕшĕнче Чăваш Республикин вĕренÿре усă куракан çĕнĕ технологисен центрĕнче чăваш чĕлхипе тытакан республикăн пĕрлехи экзамен ĕçĕсене хаклакан экспертсен вĕренĕвĕ пуçланчĕ.
Чи малтанах центр директорĕн заместителĕ М.В. Алякина патшалăхăн пĕтĕмĕшле аттестацийĕн кăçалхи уйрăмлăхĕсемпе паллаштарчĕ, чăваш чĕлхипе тытакан экзаменăн пĕлтерĕшĕ пысăк пулнине палăртрĕ.
Чăваш Республикин вĕренÿ институчĕн этнокультура вĕренĕвĕн кафедрин ертÿçи А.С. Егорова пулас экспертсене экзамен тытăмĕпе, изложенипе сочинени хакламалли критерисемпе паллаштарчĕ. Унтан чăваш чĕлхипе литератури вĕрентекенсем 9-мĕш класс пĕтерекенсен пӗлӗвне тӗрӗслес-хаклас хăнăхăва ачасен ĕçĕсене тишкерсе аталантарчĕç.
БУ ЧР ДПО "Чувашский республиканский институт образования" Минобразования Чувашии