18:52 31 марта 2020 г.
Карантин вăхăчĕ шкул ачисене çуркуннехи каникулта ашшĕ-амăшĕпе пĕрле пулма май туса пачĕ. Вăхăта усăллă ирттермелли майсем чылай. Вĕсенчен пĕри – Чăваш Республикин вĕренÿ институчĕ кăларнă «Шкул ачисене чăваш чĕлхипе тата литературипе олимпиадăсене хатĕрлесси» кĕнекепе ĕçлесси.
Кĕнекере тĕрлĕ вĕренÿ çулĕнче ирттернĕ олимпиада ыйтăвĕсемпе хуравĕсем, ăнлантарса панисем пур. Кĕнеке пурне те пулăшасса шанас килет: ачасене – вăхăта кăсăклă та усăллă ирттерме, пĕлĕве çирĕплетме, пултарулăха тĕрĕслеме, çитес ăмăртăва хатĕрленме, ашшĕ амăшне вара – тавра курăма пуянлатма, çитĕнекен ачасемпе çыхăнăва çирĕплетме.
Кĕнекен электрон вариантне «Наци вĕренĕвĕ» баннерти «Институт кăларнă кĕнекесем» пайра тупма пулать.
Уçласа илĕр, пĕр-пĕринпе тупăшăр, вăхăта кăсăклă та усăллă ирттерĕр.
БУ ЧР ДПО "Чувашский республиканский институт образования" Минобразования Чувашии