Новости » Экзамена мĕнле хатĕрленмелле?

09:32 03 апреля 2020 г.

Оригинал

Чăваш Республикин вĕренÿ институчĕ 2020 çулхи пуш уйăхĕн 19-мĕшĕнче чăваш чĕлхипе хăнăху экзаменĕ, пуш уйăхĕн 27-мӗшӗнче 9-мĕш класра вĕренекенсем вали «Республикӑн пӗрлехи экзаменне мĕнле хатĕрленмелле?» вебинар ирттерни çинчен çырнăччĕ ĕнтĕ.  Тĕрĕслевре тĕл пулнă йăнăшсене тишкерсе экзамена  хатĕрленме пулăшакан презентацисем хатĕрлерĕмĕр, вĕсене «Республикăн пĕрлехи экзаменĕ (Единый республиканский экзамен)» баннерти «Вебинар (2020.03.27)  материалĕсем» пайра вырнаçтартăмăр.

Хатĕрленĕ ĕçсемпе инçет вĕренÿре те усă курма меллĕ пуласса шанатпăр. «Республикăн пĕрлехи экзаменне мĕнле хатĕрленмелле? (тĕрĕс çырма хăнăхасси)»  презентацири таблицăсемпе орфографипе пунктуации хăнăхăвĕсене аталантармалли уроксенче те усă курма пулать тесе шутлатпăр.

Хисеплĕ вĕрентекенсем! Презентацисен ссылкисене ачасем патне çитерĕр, экзамена хатĕрленме майсем туса парăр.

«Республикăн пĕрлехи экзаменне мĕнле хатĕрленмелле? (тест  ыйтăвĕсене хуравлама хатĕрленесси)» презентаци

«Республикăн пĕрлехи экзаменне мĕнле хатĕрленмелле? (тест  ыйтăвĕсене хуравлама хатĕрленесси)» сасăллă презентаци

«Республикăн пĕрлехи экзаменне мĕнле хатĕрленмелле? (тĕрĕс çырма хăнăхасси)» презентаци

«Республикăн пĕрлехи экзаменĕнче сочинени çырма мĕнле хатĕрленмелле?» презентаци

«Республикăн пĕрлехи экзаменĕнче изложени çырма мĕнле хатĕрленмелле?» презентаци

БУ ЧР ДПО "Чувашский республиканский институт образования" Минобразования Чувашии