09:15 08 апреля 2020 г.
Чǎваш чĕлхипе литератури вĕрентекенĕсем валли Zoom платформа çинче онлайн конференци формипе консультацисем малалла пыраççĕ. Чăваш Республикин вĕренӳ институчĕн этнокультура вĕренĕвĕн кафедри ертсе пынипе учительсем инçет вĕренĕве йĕркелемелли çĕнĕ майсемпе мелсене алла илеççĕ.
Ака уйǎхĕн 7-мĕшĕнче вĕсем ушкǎнсене пайланса (сесси залĕсенче) ĕçлерĕç, килте ларсах класпа та, ушкǎнпа та, уйрǎммǎн та ĕçлеме май пуррине хǎйсем курса ĕненчĕç.
Хальччен пĕрре те пулман вĕрентекенсене консультацие йыхравлатпǎр, вǎл паян та яланхи пекех 14.00 сехетре, «шкулта уроксем вĕçленсен», пуçланать. Унччен вара компьютера е кĕсье телефонне Zoom программине уçласа илсе регистраци тухмалла.
Zoomра ĕçлеме вĕренĕр, кǎсǎклǎ та усǎллǎ уроксем ирттерĕр.
БУ ЧР ДПО "Чувашский республиканский институт образования" Минобразования Чувашии