Новости » Чăваш чĕлхи вĕрентекенне «Профессие парăнса ĕçленĕшĕн» медальпе чысларĕç

09:03 04 ноября 2021 г.

Оригинал

Вырăс чĕлхипе литератури вĕрентекенсен пĕтĕм Раççей ассоциацийĕ Вăрмар посёлокĕн Г.Е. Егоров ячĕллĕ вăтам шкулĕнче чăваш чĕлхипе литератури вĕрентекен Галина Васильевăна «Профессие парăнса ĕçленĕшĕн» (За верность профессии») медальпе чысларĕ. Медале 2021 çулхи 28-мĕшĕнче «Атăл – халăхсем, чĕлхесем, литературăсем пĕрлешнĕ вырăн» сессире ассоциаци ертÿçи Людмила Дудова пачĕ.

Галина Николаевна Вăрмар шкулĕнче 32 çул çул шкул ачисене тăван чĕлхе вăрттăнлăхĕсемпе паллаштарать, хăйĕн ĕçĕнче çĕнĕ технологисемпе тухăçлă та пĕлсе усă курать, кашни çул тĕрлĕ конкурспа олимпиада çĕнтерÿçисене хатĕрлет.

Чăваш чĕлхипе литератури кафедри Галина Николаевнăна чĕререн саламлать, малалла та хастар ĕçлеме çирĕп сывлăх сунать.

БУ ЧР ДПО "Чувашский республиканский институт образования" Минобразования Чувашии