15:53 26 ноября 2021 г.
«Педагогика практикумĕ» проектпа килĕшÿллĕн Чăваш Республикин вĕренÿ институчĕ кашни кĕçнерни кун вĕренÿ ĕçĕнчи меслетлĕх вăрттăнлăхĕсемпе паллаштарать.
2021 çулхи чÿк уйăхĕн 25-мĕшĕнче практикум чăваш чĕлхипе литературине вĕрентекенсем валли иртрĕ. Практикума Вĕренÿ институчĕн Youtube видеохостингри каналĕпе Çĕнĕ Шупашкар хулин 2-мĕш вăтам шкулĕнче чăваш чĕлхипе литературине вĕрентекен Оксана Ильина ирттерчĕ. Вăл палăртнă тăрăх, тăван чĕлхене ытти чĕлхесемпе тата культурăсемпе танлаштарса вĕрентни ачасен харкам мехелне палăртма пулăшать, тавра курăмне аталантарать, ăс-тăнне çивĕчлетет, хăйĕн тăван культурине ыттисеннипе танлаштарса ăна тата та вăйлăрах хисеплеме, унпа мухтанма майсем туса парать.
Оксана Ильина калаçăвне çак ссылкăпа итлеме пулать:
Чăваш Республикин вĕренÿ институчĕн YouTube-каналĕ
БУ ЧР ДПО "Чувашский республиканский институт образования" Минобразования Чувашии