10:55 03 декабря 2021 г.
Чăваш Республикин вĕренÿ институчĕ чăваш чĕлхи, чăваш литератури тата тăван ен культури урокĕсенче усă курмалли видеороликсемпе анимаци фильмĕсен конкурсне ирттерчĕ. Кунашкал конкурс пĕрремĕш хут иртрĕ.
Жюри 43 ĕç пăхса тухса хакларĕ, конкурса тăратнă материалсем паха пулнине палăртрĕ. Ĕçсем тĕрлĕ енлĕ пулчĕç: мультфильм майлă калăпланисем, слайдсене сасăланисем, видеофрагментсем тата фотоматериалсем лартнă ĕçсем т.ыт.те.
Конкурсантсем ĕçе тĕплĕн туни курăнчĕ, çапах та хăш-пĕр видеоĕçсем конкурс условийĕсене тивĕçтермен пирки (калаçу чăвашла пулманни, сăн ÿкерчĕксем анчах пулни, сасă тата видео пахалăхĕн шайĕ çителĕксĕр пулни т.ыт.те) çĕнтерÿçĕсен шутне кĕреймерĕç.
Жюри 5 çĕнтерÿçĕпе 10 призёра палăртрĕ.
Конкурса хутшăнакансене тав тăватпăр. Çĕнтерÿçĕсемпе призёрсен дипломĕсене тата конкурса хутшăнни çинчен ĕнентерекен сертификатсене заявкăра кăтартнă адреспа (электрон формăпа) декабрĕн 13-мĕшĕччен çитерме палăртнă.
Çĕнтерÿçĕсемпе призёрсен списокĕ
Çĕнтерÿçĕсен ĕçĕсем
Йĕркелÿ комитечĕ:
Чăваш Республикин вĕренÿ институчĕн регион аталанăвĕн центрĕ
E-mail: chrio6@cap.ru
Телефон: 8(8352) 45-99-96, 89278434582
БУ ЧР ДПО "Чувашский республиканский институт образования" Минобразования Чувашии