16:47 09 декабря 2021 г.
Чăваш Республикин вĕренÿ институчĕ «Тăван литература, 11 класс» ал çырăвĕпе паллашма йыхравлать. Палăртнă ал çыру Чăваш кĕнеке издательстви 2021-мĕш çулта пичетлесе кăларнă «Тăван литертаура. 10 класс» вулавпа вĕренÿ кĕнекин тăсăмĕ пулса тăрать.
Вĕренÿ кĕнекин авторĕ – Альбина Мышкина, филологи ăслăлăхĕсен докторĕ, Раççей писателĕсен Союзĕн членĕ, Чăваш Республикин Çамрăксен патшалăх премийĕн тата Чăваш Республикин патшалăх премийĕн лауреачĕ.
Вĕренÿ кĕнекине тĕслĕх вĕрентÿ программипе килĕшÿллĕн хатĕрленĕ. Ал çырăвĕнче, тĕпрен илсен, XXĕмĕрĕн иккĕмĕш çуррипе çыхăннă ăслăлăх ыйтăвĕсене, илемлĕ хайлав тĕслĕхĕсене, çыравçăсене кĕртнĕ. Паянхи чăваш литература анине кĕрсе пыракан, çапах хальлĕхе анлă сарăлман авторсене вара уйрăм пайра пĕтĕмĕшле тишкерсе панă.
Кĕнеке авторĕ çĕнĕ вĕренÿ пособийĕ вĕренекенсене ăслăлăхри пĕлĕве алла илме те, илемлĕ хайлав тĕнчипе киленме те, пултарулăхпа ăслăлăхра пĕрремĕш утăмсем тума та пулăшасса шанать.
Сирĕн сĕнÿсене раштавăн 15-мĕшĕччен chrio6@cap.ru адреспа кĕтетпĕр.
БУ ЧР ДПО "Чувашский республиканский институт образования" Минобразования Чувашии