08:00 10 декабря 2021 г.
Чăваш Республикин вĕренÿ институчĕ иккĕмĕш аслă пĕлÿ парас тĕллевпе те ĕçлет. Чăваш чĕлхипе литература специальноçне алла илес текенсем 2021 çулхи раштав уйăхĕн 9-мĕшĕнче патшалăх экзаменĕ тытрĕç.
«Чăваш чĕлхипе литературин вĕрентÿ методики» хушма професси вĕренĕвĕн программипе вĕренсе алла диплом илекенсем «Чăваш чĕлхипе чăваш литературине шкулта вĕрентнин право нормисем», «Вĕрентÿ психологийĕ», «Вĕренÿ организацийĕнчи педагог ĕçĕ-хĕлĕ», «Чĕлхе вĕрентĕвĕн кÿртĕмĕ», «Литература чĕлхин историйĕпе теорийĕ», «Хальхи чăваш чĕлхи», «Чăваш литературин теорийĕпе историйĕ», «Чăваш литературин меслетлĕхĕ», «Чăваш чĕлхипе литератури урокне проектласси» модульсемпе пĕлÿ илчĕç.
Экзамен тытнисене патшалăх аттестаци комиссийĕ «Чăваш чĕлхипе литература учителĕ» квалификаци пама йышăнчĕ.
БУ ЧР ДПО "Чувашский республиканский институт образования" Минобразования Чувашии