15:05 10 марта 2022 г.
Чăваш Республикин вĕренÿ тата çамрăксен политикин министерстви Чăваш Республикин вĕренÿ институчĕпе пĕрле шкулчченхи вĕренÿ организацийĕсене çÿрекен ачасене «Хунав» фестивале йыхравлаççĕ.
Фестиваль виçĕ тапхăрпа иртет:
1-мĕш тапхăр – 2022 çулхи ака уйăхĕн 25-мĕшĕччен пырать.
Ку тапхăра район е хула администрацийĕн вĕренÿ пайĕсем ирттереççĕ. Çĕнтерÿçĕсемпе призёрсене палăртаççĕ.
Районта тата хулара çĕнтернĕ ачасем çинчен сведени (заявка) видеофайлпа пĕрле йĕркелÿ комитетне 2022 çулхи ака уйăхĕн 27-мĕшĕччен chrio18@rchuv.ru адреспа ярса памалла.
2-мĕш тапхăр – 2022 çулхи çу уйăхĕн 13-мĕшĕччен Чăваш Республикин вĕренÿ институтĕнче иртет.
Фестивалĕн 2-мĕш тапхăрне хутшăнма районта/хулара çĕнтерÿçĕ ятне илнĕ ачасене ирĕк параççĕ.
Жюри ĕçсене хаклать, фестивалĕн 3-мĕш тапхăрне хутшăнакансене суйласа илет.
3-мĕш тапхăр – 2022 çулхи çу уйăхĕн 20-мĕшĕнче иртет.
Фестивалĕн виççĕмеш тапхăрĕ ăçта тата мĕнле формăпа иртесси пирки хыпар Чăваш Республикин вĕренÿ институчĕн сайтĕнче пулĕ.
Фестиваль номинацийĕсем:
- «Илемлĕ – чăваш юрри» – ачасем чăвашла юрă юрлаççĕ.
- «Асамлă юмах тĕнчи» – ачасем пĕр-пĕр юмаха сценка евĕр чăвашла лартса кăтартаççĕ.
- «Янра, сăввăм, хыттăнрах» – ачасем сăвва чăвашла калаççĕ.
Тулли информаципе фестиваль положенийĕнче паллашма пулать.
Ыйтса пĕлмелли мелсем:
E-mail: chrio18@rchuv.ru; chrio6@cap.ru.
Телефон: 8(8352)45-99-96.
БУ ЧР ДПО "Чувашский республиканский институт образования" Минобразования Чувашии