16:16 23 марта 2022 г.
Чăваш Республикин вĕренÿ тата çамрăксен политикин министерстви Чăваш Республикин вĕренÿ институчĕпе пĕрле 1-4 классенче вĕренекен ачасен «Туслăх хĕлхемĕ» фестивале килнĕ ĕçсене хакласа пĕтĕмлетрĕ.
Фестивалĕн республика тапхăрне район е хула шайĕнче çĕнтернĕ ачасем хутшăнчĕç, пурĕ 129 номер пулчĕ. Вĕсенчен Чăваш Республикинчен – 96 ĕç, тулай вĕренÿ организацийĕсенчен – Тутар Республики тата Ульяновск облаçĕнчен – 33 номер.
Фестиваль 4 номинаципе иртрĕ: «Сăмах илемĕ», «Чăваш вăййи», «Янра, чăваш юрри», «Чăваш ташши». Жюри конкурс çĕнтерÿçисемпе призёрĕсене палăртрĕ.
Çĕнтерÿçĕсемпе призёрсен дипломĕсем хатĕр, вĕсене Чăваш Республикин вĕренÿ институтне (Шупашкар хули, М.Горький проспекчĕ, 5-мĕш çурт, 217 пÿлĕм) килсе илмелле. Сертификатсене заявкăра кăтартнă электрон адреспа мартăн 28-мĕшĕччен ярса пама палăртнă.
Пирĕнпе çыхăнмалли адрес:
Телефон:8(8352) 45-99-96,
e-mail: chrio18@rchuv.ru.
БУ ЧР ДПО "Чувашский республиканский институт образования" Минобразования Чувашии