Чăваш Республикин вĕренÿ тата çамрăксен политикин министерстви «Упрар тăван чĕлхемĕре» оратор ăсталăхĕн конкурсне ирттерет. Конкурса Чăваш Республикин вĕренÿ институчĕ йĕркелесе пырать.
Конкурса Чăваш Республикинчи тата ун тулашĕнчи вĕренÿ организацийĕсен 5-6-мĕш класĕсенче чăваш чĕлхи вĕренекен ачасем хутшăнаççĕ.
Конкурса хутшăнмалли темăсем
o Тăван чĕлхе – пуянлăх.
o Чăваш çĕрĕ, пурăн ĕмĕр.
o Туслăх ĕçре палăрать.
o Мĕн вăл илемлĕх?
Конкурс чăвашла иртет. Конкурса хутшăнакансен чăвашла анчах калаçмалла.
Конкурс икĕ тапхăрпа иртет:
1-МĔШ ТАПХĂР – муниципалитет тапхăрĕ – районта е хулара 2021 çулхи юпа уйăхĕн
01-мĕшĕччен иртет.
Конкурсăн пĕрремĕш тапхăрне район е хула администрацийĕн вĕренÿ управленийĕсем ирттереççĕ.
Педагогсене пĕлсе тăма!Конкурса хутшăнмалли заявкăна видеофайлпа пĕрле вырăнти район е хула администрацийĕн вĕренÿ пайне ярса памалла. Заявкăна вĕренÿ организацийĕн (шкулăн) пуçлăхĕ алă пусать.
2-МĔШ ТАПХĂР – республика тапхăрĕ кĕретсĕр (заочно) иртет.
Конкурсăн 2-мĕш тапхăрне хутшăнма районта е хулара малти вырăна тухнă 2 ачана ирĕк параççĕ: 5-мĕш класра вĕренекен 1 ача, 6-мĕш класра вĕренекен 1 ача.
Шупашкар тата Çĕнĕ Шупашкар хулисенчен:
5-мĕш класра вĕренекен 3 ача, 6-мĕш класра вĕренекен 3 ача.
Тулли информаци пĕлме конкурсăн положенийĕпе паллашма сĕнетпĕр.
Конкурса йĕркелекенсен адресĕ:
428001 Шупашкар хули, М. Горький проспекчĕ, 5-мĕш çурт, Чăваш Республикин вĕренÿ институчĕ, 217-мĕш пÿлĕм (регион аталанăвĕн центрĕ).
Телефонсем8(8352) 45-99-96
E-mail: chrio6@cap.ru