Килти вулав кĕнеки: 7-мĕш класс валли / Н.Г.Иванова пухса-çырса хатĕрленĕ

Килти вулав кĕнеки: 7-мĕш класс валли / Н.Г.Иванова пухса-çырса хатĕрленĕ. – Шупашкар: Чăваш кĕнеке изд-ви, 2008. – 272 с.

Кĕнекене чăваш литератури стандартне, минимумне, программине пăхăнса çырнă. Тĕп вĕренÿ кĕнеки çумне хушса кăларнă килти вулав кĕнекинче кĕнеке вулама юратакан – тĕп сăнар. Вăл 7 класс ачипе калаçăва хутшăнать. Илемлĕ хайлавсене тематика тăрăх вырнаçтарнă. Вуласа тухнă хайлавсем хыççăн панă ыйтусемпе ĕçсене виçĕ ушкăна пайланă. Кунта ● – йывăр ĕç; ■ – кăткăс ĕç, ăна кăмăл тăвакансем çеç пурнăçлаççĕ; ? – шырав тата пултару ĕçĕ. Ачасене вĕренÿри тата ÿсĕмри шайне шута илсе илемлĕ хайлавсене тишкерме тĕрлĕ ĕçсем хушнă, вĕсем шутне çаксем кĕреççĕ: хайлавпа куçа-куçăн; вуланă хайлав тăрăх хăв тĕллĕн шухăшла; çырса пăх; спектакль лартма; библиотекăна чĕнетпĕр. Кĕнекере сочинени çырма чăваш художникĕсен картина репродукцийĕсемпе слайд валли хатĕрленĕ ÿкерчĕксене сĕннĕ. Çавăн пекех кĕнекере 7 класс ачи валли «Электронлă вĕренÿ хатĕрĕсем» тема кĕртнĕ, унта чăваш литературипе хатĕр электронлă хайлавсен списокне тата интернет урлă материал пухма кирлĕ сайт ячĕсене панă.