Вырăс шкулĕнче чăваш чĕлхи вĕрентмелли меслет кăтартăвĕсем, II класс (авторĕсем В.И. Игнатьева, Н.Н. Чернова, З.С. Антонова), хушса çĕнетнĕ виççĕмĕш кăларăм.

Игнатьева В.И. Вырăс шкулĕнче чăваш чĕлхи вĕрентмелли меслет кăтартăвĕсем, II класс / В.И. Игнатьева, Н.Н. Чернова, З.С. Антонова. – Хушса çĕнетнĕ 3-мĕш кăларăм. – Шупашкар: Чăваш Республикин вĕренÿ институтчĕн издательство центрĕ, 2010. – 143 с.

Меслет кăтартăвĕсене «Чăваш чĕлхи, 2-мĕш класс» (авторĕсем хăйсемех) вĕренÿ кĕнекипе ĕçлекен учительсем валли хатĕрленĕ.

Вырăс шкулĕнче чăваш чĕлхи вĕрентессин тĕп тĕллевĕ ачасене кулленхи пурнăçра чăвашла калаçма-хутшăнма хăнăхтарать. Çак тĕллеве тĕпе хурса ĕçленĕ авторсем. Умĕн каланинче тăван мар чĕлхепе вулама-çырма вĕрентес ĕçри тĕп тĕллевсемпе меслетсене уçса панă, тĕслĕхсемпе çирĕплетнĕ, ачасем час-часах тăвакан йăнăшсене тишкернĕ, вĕсене асăрхаттарас çул-йĕрсене, урок тытăмне, ăна йĕркелессин уйрăмлăхĕсене палăртнă. Кашни урок йĕркине тĕплĕ çырса панă. Урок планĕсем хушма материалпа пуян: ÿкерчĕксемпе ĕçлемелли ыйтусем, хускану хăнăхăвĕсем, фонетика тата грамматика вăййисем, сăвăсем, юрăсем, юмахсем, хăнăхтарусем, вырăс тата чăваш чĕлхисен уйрăмлăхĕсене палăртакан схемăсем, таблицăсем.