Абрамова Г.В. Методические указания к учебнику чувашского языка для 4 класса русской школы: книга для учителя

Абрамова Г.В. Методические указания к учебнику чувашского языка для 4 класса русской школы: книга для учителя / Г.В. Абрамова. – Чебоксары: Издательский центр Чувашского республиканского института образования, 2010. – 159 с.

Меслет кăтартăвне «Чăваш чĕлхи, 4-мĕш класс» (авторĕ хăех) вĕренÿ кĕнекипе ĕçлекен учительсем валли хатĕрленĕ.

Умĕн каланинче автор вырăс шкулĕн 4-мĕш класĕнче вĕренекен ачасене пĕлÿ памалли меслетсене, мелсене уçса парать. Çавăн пекех 4-мĕш класăн вĕренÿ комплектне тишкерет: вĕсен содерджанине кĕскен уçса парать, ĕçлемелли çул-йĕрсене палăртать.

Пособире уроксен анлă планне çырса панă. Урок тапхăрĕсем тачă çыхăннă, ĕçсем пĕр-пĕринпе килĕшсе пыраççĕ. Кĕнекере шухăшлама хистекен хăнăхтарусем, асра юлакан физкультминуткăсем, сюжетлă хайлавсем, диалогсем ачасене хăвăртах чăвашла калаçма вĕрентеççĕ.

Автор вĕрентÿри çĕнĕ технологисемпе анлă та вырăнлă усă курать, кунта тăтăшах кластер, синквейн, презентаци, видеоролик, таблица, схема тĕл пулаççĕ. Çакăн пек ĕçлени урокра палăртнă тĕллевсене çăмăллăнах пурнăçлама май парать.