Чăваш чĕлхипе литератури учителĕсене Юрий Скворцов çуралнăранпа 80 çул çитнине халалланă «Чăваш прозин пысăк ăсти» республика шайĕнчи ăслăлăхпа практика конференцине хутшăнма чĕнетпĕр.
2011 çулхи пуш уйăхĕн 30-31-мĕшĕсенче Чăваш Республикин культура, национальноçсен ĕçĕсен, информации политикин тата архив ĕçĕн министерстви, Чăваш Республикин вĕренỳ тата çамрăксен политикин министерстви, Чăваш патшалăх гуманитари ăслăлăхĕсен институчĕ, Чăваш Республикин вĕренỳ институчĕ, И.Н.Ульянов ячĕллĕ Чăваш патшалăх университечĕ, Чăваш Республикин профессионал писательсен союзĕ ирттерет.
Вырăнĕ: Чăваш патшалăх гуманитари ăслăлăхĕсен институчĕ. Лару залĕ.
Вăхăчĕ: пуш уйăхĕн 30-мĕшĕнче 13 сехетре, пуш уйăхĕн 31-мĕшĕнче 9.00 сехетре пуçланать. Секцисем 11.00 сехетре ĕçлеме тытăнаççĕ.
Конференцие хутшăнакансем: тĕпчевçĕ филологсем, практик филологсем, чăваш çыравçисем, илемлĕ фильм спектакль режиссерĕсем, издательство ĕçченĕсем тата ытти те.
Конференцире çак ыйтусене сỳтсе яваççĕ:
– Юрий Скворцов тата чăваш ỳнерĕ.
– Юрий Скворцов пултарулăхĕ тата чăваш литературин малашлăхĕ.
– Юрий Скворцов пултарулăхне шкулта вĕрентесси.
– Юрий Скворцовăн илемлĕ тĕнчи.