10:07 20 марта 2015 г.
Пуш уйăхĕн 19-мĕшĕнче институтра республика шайĕнчи «Халăх хитре - йăлипе» ача-пăча фестивалĕ иртрĕ. Ку фестивале «Чăваш чĕлхине анлăн вĕрентнĕ май ачасене пур енлĕн аталантарасси» проектпа ĕçлекен шкулсенчи (Шупашкар хулин 10-мĕш, 35-мĕш, 59-мĕш шкулĕсем) I – Vклассенче вĕренекен ачасем хутшăнчĕç. Вĕсем чăваш халăх йăлисене кăтартрĕç - «Сурхури», «Улахра», «Ача-пăча вăййи», «Вăйă карти» композицисем лартса пачĕç. Жюри йышăнăвĕпе 1-мĕш вырăна 35-мĕш шкулти 3 «э», 2-мĕш вырăна 10-мĕш шкулти 1 «и» тата 59-мĕш шкулти 4 «я», 3-мĕш вырăна 10-мĕш шкулти 2 «и», 4 «и», 5 «и» тата 35-мĕш шкулти 2 «л» классем тухрĕç. Чăваш чĕлхипе литература кафедрин ертÿçи А. С. Егорова фестивале хутшăннă ачасене тата вĕсен вĕрентекенĕсене тав сăмахĕ каларĕ. Жюрире пулнисем композицисен паха енĕсене палăртрĕç, малашне мĕне тимлемеллине асăрхаттарчĕç. Фестиваль чăваш чĕлхи вĕренекен хула ачисемшĕн чăннипех уяв пулчĕ.
БУ ЧР ДПО "Чувашский республиканский институт образования" Минобразования Чувашии