Новости » Чăваш чĕлхи вунă кунлăхĕ малалла пырать

13:11 19 апреля 2016 г.

Оригинал

Чăваш Республикин вĕренÿ институтĕнче И.Я. Яковлев аслă вĕрентекенĕмĕре сума суса тата Чăваш чĕлхи кунне халалласа вунă кунлăх малалла пырать. Ака уйăхĕн 14-мĕшĕнче шкул ачисен «Туслăх хĕлхемĕ» фестивалĕ иртрĕ. Паян, ака уйăхĕн 19-мĕшĕнче, Шупашкар хулин 27-мĕш шкулĕнче «Çĕр пин тĕрĕ çĕр-шывĕнче» темăпа уçă урок пулчĕ. Ăна филологи кафедрин доценчĕ А.С. Егорова ертсе пынипе чăваш чĕлхи вĕрентекенĕ О.Ю. Афанасьева ирттерчĕ. Вĕрентекен урокра педагогикăри тата методикăри çĕнĕ технологисемпе тата мелсемпе тухăçлă усă курчĕ. Вĕренекенсем чăваш тĕррин вăрттăнлăхĕсемпе паллашрĕç, хăйсен ăс-халĕпе сăмах йышне пуянлатрĕç, чăваш тĕррин çĕввисене тума вĕренчĕç.

Ака уйăхĕн 22-мĕшĕнче «Чăваш чĕлхипе литератури пÿлĕмĕсене йĕркелесси» темăпа вебинар иртĕ.

БУ ЧР ДПО "Чувашский республиканский институт образования" Минобразования Чувашии