00:00 05 февраля 2009 г.
Кĕнекене 5-мĕш класра ĕçлекен учительсемпе вĕренекенсем валли хатĕрленĕ. Хăнăхтарусемпе пĕчченшерĕн е ушкăнпа, класра е килте ĕçлеме пулать. Кашни хăнăхтару хыççăнах хушма ĕçсем пама тăрăшнă. Çапла ĕçлени ачасене малтан пухнă пĕлĕве аса илсе çирĕплетсе хăварма пулăшать.
Кĕнекене методикăна пăхăнса хатĕрленĕ. Хăнăхтарусем валли предложенисемпе текстсене илемлĕ литературăран, наука статйисенчен тата хаçат-журналтан илнĕ. Хăнăхтарусене хатĕрленĕ чух ачасене воспитани парас ĕçĕн тĕллевĕсене те шута илнĕ.
Хăш хăнăхтарупа мĕнле ĕçлессине учитель хăй татса парать, çакă ума мĕнле тĕллев лартнинчен килет. Хăнăхтарусемпе çĕнĕ тема ăнлантарнă чух та, вĕреннине çирĕплетнĕ чух та, килти ĕçе пурнăçланă чух та усă курма пулать.
Хăнăхтару пуххи вĕрентекенсемпе вĕренекенсемшĕн кирлĕ пособи пуласса шанас килет.
Кĕнекене Чăваш Республикин вĕренÿ институчĕн чăваш чĕлхипе литератури кафедринче (215-мĕш пÿлĕм) туянма пулать.