Егорова Л.В. Ачасен пуплевне аталантармалли хăнăхтарусем: вырăс шкулĕн IV—IX класĕсем валли / Л.В.Егорова, И.Р.Михайлова. — Шупашкар, 2011. — 119 с.
Пособие чăваш чĕлхине тăван мар чĕлхе меслетлĕхĕпе вĕрентекен учительсем валли хатĕрленĕ.
Кĕнекене ачасен пуплевне аталантарма пулăшакан хăнăхтарусем кĕртнĕ. Вĕсене тематика принципне тĕпе хурса вырнаçтарнă. Кунта ансат хăнăхтарусем те, диалог, калав, юмах йĕркелеме, кластерпа синквэйн тума хистекен ĕçсем те, илемлĕ литература произведенийĕсенчен илнĕ текстсем те, сăвă-юрă та пур.
Хăнăхтарусене туса пынă май вĕренекенсен чăвашла калаçăвĕпе çырăвĕ, шухăшлавĕ аталанать; сăмах йышĕ пуянланать, пуплев этикечĕпе культури çирĕпленет.
Пособири хăнăхтарусемпе вырăс шкулĕнчи IV—IX классенче вĕренекенсемпе ĕçлеме меллĕ. Учитель урок, ĕç тĕллевне, ачасен пĕлу шайне шута илсе хăнăхтарусене анлатма, ансатлатма, кирлĕ чухне хушма ĕçсем сĕнме те пултарать.
Ку кĕнекепе чăваш шкулĕнче ĕçлекен учительсем те усă курма пултараççĕ. Вĕсен хăнăхтару условийĕсене чăвашла çырас пулать.